مها متبولي تكشف تفاصيل أخر دقائق في حياة "ذكرى" ومحمد رمضان ملوش في السينما

كشفت الناقدة الفنية مها متبولي، أخر لقاء جمعها بالفنانة ذكرى، قبل وفاتها، وذلك خلال حوار صحفي لها في منزلها، تحدثت عن حياتها ومسيرتها الفنية وزواجها.

وقالت مها متبولي خلال تصريحات تلفزيونية: موت ذكرى وأحمد زكي موقف حسيت فيه باكتئاب شديد

وصدمة، كنا صحاب انا وهي وكانت انسانة كويسة وطيبة جدًا وكنت بروحلها بيتها في الزمالك ودخلت البيت بتاعها مع انه حلو وفخم جدا قلبي اتقبض وقعدنا في البلكونة وكانت لسه منزله ألبوم يوم ليك ويوم عليك".

واستكملت مها متبولي حديثها:   وعملنا حوار وبعد ما خلصنا الحوار قولتلها ليه اتجوزتي الراجل ده.. قالت عشان عايزه اخلف.. وبعدها بـ 4 أيام أتوفت- ومدير أعمالها كلمني وقالي انها اتقتلت ومكنتش مصدقة طبعا".

وتابعت مها متبولي: أحمد زكي مافيش زيه، أحمد زكي كنت أعرفه كويس أوي مكنش له علاقه حلوة بالصحافة، وانا كنت بالنسبة له من الناس المقربين ولو عايز يعمل حوار كان بيكلمني لما عرفت انه اصابه العمى جالي اكتئاب شوية وقبلها جيهان السادات زارته ومن شدة ذكائه موضحش ليه انه أعمى".

محمد رمضان ملوش بصمة في السينما ومنجحش برا محمد سامي.. ومش نمبر وان

وكشفت عن رأيها في الفنان محمد رمضان، وأعماله التي يقدمها، وأيضًا برنامجه الحالي “مدفع رمضان” الذي يعرض حاليا خلال شهر رمضان.

وقالت مها متبولي: أكيد البرنامج فكرته حلوة لأنه بيجمع تبرعات- محمد رمضان شغال سوشيال ميديا كويس- ملوش فيلم بصم فيه لو بصيت على السينما، لو بصيتي في المسلسلات هتلاقيه منجحش برا مسلسلات محمد سامي يبقى معنى كده ان محمد سامي اللي نجح.. وكان عامل مسلسل مع محمد ياسين ما يعلم به الا ربنا.

وتابعت مها متبولي حديثها: هو موهوب جدا، وفعلا بيستفز زمايله وبيتضايقوا منه، أنا ضد اللي هو بيعمله هو قال عبد الحليم حافظ قال دخل الناس لحد غرفة النوم، طب حليم كان بيثبت انه متألم وتعبان.

واستكملت مها متبولي: دلوقت كله بيقلده أنغام واحمد سعد بيقلدوه ف الطيارات الخاصة، هو مش نمبر وان طبعا لأن في عمرو دياب في الغناء بقالهم 40 سنة، محدش هينجح نجاح محمد رمضان- لما شفت برومو سيد الناس لقيت عمرو سعد بيقلد محمد رمضان والحركات عشان كده بقوله يا عمرو لازم تدرس الشخصية وتعملها ف معرفش التشابه ده ليه منه ولا المخرج.